Qyzmet babynda qaza tapqan polıtseılerge Almatyda eskertkish ornatyldy
Alataý aýdandyq polıtsııa basqarmasynyń bazasynda qyzmettik mindetterin oryndaý kezinde qaza tapqan polıtsııa qyzmetkerlerin eske alýǵa arnalǵan eskertkish ornatyldy.
Іs-sharaǵa Almaty Polıtsııa departamentiniń basshylyǵy, aýdandyq polıtsııa basqarmasynyń jeke quramy, ardagerler keńesiniń ókilderi jáne qaıtys bolǵan qyzmetkerlerdiń týystary qatysty.
«Eskertkish quqyq qorǵaý organdarynyń qatarynda jáne olardyń týystary men áriptesteriniń esinde máńgi qalǵan tártip saqshylarynyń qurmetine ashyldy. Ókinishke oraı, táýelsizdik jyldarynda 37 almatylyq polıtseı qyzmettik mindetterin oryndaý barysynda, qylmysqa qarsy kúreste qaıtys boldy. Bizdiń qasıetti boryshymyz – olar týraly estelikti qurmetteý, olardyń erlikterin mura retinde urpaqtan urpaqqa jetkizý jáne otbasylaryna barlyq jaǵynan qoldaý kórsetý», – dedi Almaty qalalyq PD bastyǵynyń orynbasary Ábdýálı Nasharbekov.
Spıkerdiń aıtýynsha, budan bylaı eskertkishtiń aıasynda jas qyzmetkerlerdiń ant qabyldaý rásimi ótedi, al mereke kúnderi saltanatty is-sharalar uıymdastyrý josparlanyp otyr.