Qyzmet babynda qaza tapqan polıtseıdiń áıeli Elbasymen kezdesýin eske aldy

ALMATY. QazAqparat – Almatyda qyzmet babynda kóz jumǵan polıtsııa qyzmetkeriniń jesiri, polıtsııa maıory Aıjan Ábisheva QR Tuńǵysh prezıdenti Nursultan Nazarbaevpen kezdesti, dep habarlaıdy QazAqparat tilshisi.

Polıtsııa maıory Alataý aýdandyq PB kóshi-qon bóliminde jumys isteıdi. Ol polıtsııada 9 jyldan beri qyzmet etip keledi.

2011 jyly onyń joldasy, polıtsııa leıtenanty Rıshad Ábishev qyzmetin óteý kezinde qaza tapty. Kelinshek ishki ister organynda sol kezden bastap jumys istegen.

Qylmyspen kúreste kórsetken erligi men batyldyǵy úshin Rıshad Ábishev 2011 jyly 7 mamyrda 2 dárejeli Aıbyn ordenimen marapattaldy.

«Bizdiń eki qyzymyz bar. Olar ákesi qaıtys bolǵanda kishkentaı bolatyn. Sol kezde men joldasymnyń jolyn qýyp, polıtsııa qataryna qosyldym. Qyzmetimdi jasóspirimdermen jumys bóliminen bastadym. Meni jumysqa sol kezdegi qalalyq ishki ister departamentiniń basshysy Erlan Turǵymbaev qabyldady. Ol meniń nıetimdi qabyl alyp, qoldaý kórsetti», - deıdi Aıjan Ábisheva.

2019 jyly Aıjan Ábisheva halyqaralyq áıelder kúnine oraı Memleket basshysy Nursultan Nazarbaevpen kezdesken bolatyn.

«Bul kezdesý júregimde úlken iz qaldyrdy. Kezdesýge kelgen áıelder án aıtyp, óleń oqyp jatty. Keshke bizge arnaıy kontsert uıymdastyryldy. Esime alsam, kókiregimdi maqtanysh kerneıdi», - deıdi maıor Ábisheva.