Qyzmet babynda áreketsizdik tanytqany úshin «Gorlıft» MKK burynǵy dırektorynyń isi sotqa berildi - BQO

ORAL. 16 aqpan. QazAqparat - Aldyn ala tergeý satysynda zańdylyq saqtalýyn qadaǵalaýdy sapaly júzege asyrýdyń nátıjesinde oblystyq prokýratýra QR QK 269-baby 2-bólimi «v» tarmaǵy, 315-baby 4-bólimi boıynsha

(abaısyzda kisi ólimine ákep soqqan, tutynýshylar ómiriniń nemese densaýlyǵynyń qaýipsizdigi talaptaryna saı kelmeıtin taýarlar shyǵarý nemese satý, jumys oryndaý ne qyzmet kórsetý, aýyr zardapqa ákep soqqan qyzmettegi áreketsizdik) «Gorlıft» MKK burynǵy dırektory Talǵat Haırýllındi aıyptaý týraly qylmystyq isti sotqa joldady.

Oblystyq prokýratýranyń baspasóz qyzmetinen túsken málimetke qaraǵanda, T.Haırýllın «Gorlıft» MKK dırektory retinde qyzmetinde áreketsizdikke boı aldyryp, paıdalanýǵa berýdiń normatıvti merzimi ótken lıftini ajyratýda jáne qaýipsizdikti qamtamasyz etýde sharalar qabyldamaǵan, sonyń saldarynan lıftiniń shahtasyna qulap, N.Alıeva degen aıaǵy aýyr áıel qaza tapqan.

Bul oqıǵa ótken jyly 18 qańtar kúni Oraldaǵy Instrýmentalnaıa kóshesi boıyndaǵy kóp qabatty úıde bolǵan edi. N.Alıeva Ázirbaıjan eliniń azamatshasy bolatyn.