Qyzdar ýnıversıtetinde BUU qorynyń ókildigi ashylady
«Aldaǵy ýaqytta Qyzdar ýnıversıtetiniń Áleýmettik jáne genderlik ǵylymı-zertteýler ınstıtýty men atalǵan jastar qozǵalysy birlesip, stýdentterge genderlik teńdik, jastardyń kóshbasshylyq deńgeıin kóterý jaıynda semınar-trenıngter ótkizýdi josparlap otyr. Jastar arasynda tárbıe berý men aqparattandyrý jumystaryn júrgizý, olardyń jeke azamattyq pozıtsııasyn qalyptastyrý jáne kóshbasshylyq áleýetin damytý búginde úlken mańyzǵa ıe», - deıdi atalǵan oqý ordasy baspasóz jáne qoǵammen baılanys bóliminiń basshysy Jandar Asan.
Aıta keteıik, BUU Turǵyn halyq salasyndaǵy qorynyń Qazaqstan halqynyń turaqty damýy men ál-aýqatyn arttyrýdaǵy úlesi úlken. Uıym qyzmeti negizinen ana densaýlyǵyn saqtaý, áıelder, jastar men jasóspirimderdiń ómirin jaqsartý úshin nápsiqumarlyq jáne reprodýktıvtik densaýlyq pen reprodýktıvtik quqyqtardy qorǵaýǵa járdemdesý arqyly damý salasyndaǵy myńjyldyqtyń besinshi maqsatyna qol jetkizýge kómek kórsetýge baǵyttalǵan.
Búginde Y-Peer/Jas qurdastar qozǵalysy álemniń 44 elinde qyzmet atqarady. Jastar arasynda salaýatty ómir saltyn nasıhattaý, genderlik teńdikti saqtaý, kóshbasshylyq qasıetterdi damytý - basty maqsaty bolyp tabylady. Uıym 1999 jyly BUU jastardy damytý jáne qorǵaý máseleleri boıynsha qurylǵan vedomstvoaralyq jumys tobynyń bastamasymen negizi qalanǵan.