Qytaılyq jankúıerlerdiń syıy Dımashty erekshe tolqytty
Bul týraly ánshiniń dosy ári resmı ókili Alpamys Sharımov óziniń Instagramdaǵy paraqshasynda jazdy.
«Dımashtyń @kudaibergenov.dimash jankúıerleri kúnnen-kúnge tańqaldyrýlaryn qoımaıdy. Rasymen, maqtanǵa salynbaıyqshy dep, kóp tosyn syılardy jarııalaı bermeımiz. Biraq, búgingisi erekshe! Qytaı fanattary arnaıy Qazaqstandy zerttep, vıza ashyp, elimizge barypty. Dımashtyń qarny ashyp qalmasyn dep, qazaq ulttyq taǵamdaryn daıyndap búgingi túski asta bizdi tańqaldyrdy. Qazy-qarta, tary-talqan, qurt-maı, jemis-jıdek bári bar! Jyraqta júrgen jan úshin bul taǵamdardyń orny erekshe ekeni sózsiz! Qorap-qorap syılyq. Áli ashyp ta úlgermeı jatyrmyz! Barlyǵy ánshisine degen nıeti ǵoı jankúıerlerdiń...» , - deıdi ol.
«Jalpy, Dımashqa arnalǵan fan-toptar kóp. Bul #DimashSisters ıaǵnı "Dımashtyń qaryndastary" atty fan toptyń syılyǵy. Qııaldarynda shek joq qoı shirkin!? Qandaı keremet!.. Dımashtyń atynan barsha #DimashSister fan tobynyń qyzdaryna alǵys bildiremin! Búgin biz rasymen de aýylǵa baryp qaıtqandaı boldyq!!! Raxmet, Dears!»,- dedi Alpamys Sharımov óziniń Instagramdaǵy paraqshasynda.
Qýantarlyq jaǵdaı, Dımashtyń 9 qańtarda ashqan Sina Weibo (Týıtterdiń balamasy) áleýmettik jeke paraqshasyna jazylǵan jankúıerler sany 2 mıllıon 800 myńǵa jetti.
Eske sala ketsek, Dımash «Singer-2017» án baıqaýynyń segiz kezeńinde óner kórsetti. Bul kezeń 11 naýryzda efırden kórsetiletin bolady.