Qytaılyq Vero Cell vaktsınasy qaraǵandylyqtarǵa qashan qoljetimdi bolady

QARAǴANDY. QazAqparat – Qaraǵandy oblysynda 42 myń adam qytaılyq Vero Cell vaktsınasymen egiletin bolady. Preparat jaqyn arada túsýi kerek, dep habarlaıdy QazAqparat tilshisi.

Bul týraly Densaýlyq saqtaý basqarmasynyń basshysy Gamal Toqsambaev Óńirlik kommýnıkatsııalar qyzmeti platformasynda ótken brıfıngide málimdedi.

«Jańalyqtardan Qazaqstannyń Sinopharm kompanııasy shyǵarǵan vaktsınany satyp alǵanyn kórdińizder. Ol Vero Cell dep atalady. Oblysqa 84 myń doza kóleminde jetkizýdi kútemiz. Bul eki fazaly vaktsına. Ony bizde 42 myń turǵyn alady», – dedi Gamal Toqsambaev.

Osy jyldyń 7 mamyrynda Vero Cell qytaılyq vaktsınasyn Dúnıejúzilik densaýlyq saqtaý uıymy maquldady. Shildede ol COVAX vaktsınalar bankine kirdi. Vaktsına belsendi emes, eki dozaly.

Basqarma basshysynyń málimetinshe, oblysta reseılik «Spýtnık V» vaktsınasy jáne otandyq QazVac bar. Ol sonymen qatar Hayat-Vax jáne CoronaVac vaktsınalarynyń ekinshi komponenti tek alǵashqy dozasyn alǵan jáne ımmýndaýdy aıaqtaǵan adamdarǵa qoljetimdi ekenin aıtty.

Qaraǵandy oblysynda 12 tamyzdaǵy jaǵdaı boıynsha koronavırýsqa qarsy vaktsınanyń birinshi komponentin 432 331 adam, ekinshisin – 322 175 adam aldy.