Qytaılyq kompanııa Qazaqstanda qamystan tsellıýloza men qaǵaz óndiredi

ASTANA. QazAqparat - Astanada «Kazakh Invest» kompanııasy basqarmasynyń tóraǵasy Saparbek Tuıaqbaev Qytaıdyń «Qifeng New Material» kompanııasynyń basshysy Lı Hýfengpen kezdesti, dep habarlaıdy QazAqparat tilshisi «Kazakh Invest» kompanııasynyń baspasóz qyzmetine silteme jasap.

Baspasóz málimeterine qaraǵanda, Kezdesý barysynda qamystan tsellıýloza jáne qaǵaz óndirip shyǵarý jobasyn iske asyrý múmkindikteri talqylandy.

Investor jobaǵa kezeń-kezeńmen 320 mln. AQSh dollaryn salýdy josparlap otyr. Joba iske asqan jaǵdaıda qamystan tsellıýloza jáne qaǵaz óndirisiniń kólemi jyl saıyn 200 myń tonnany quraıtyn bolady. Fabrıkaǵa 2 myńnan asa adam jumysqa alynady dep josparlanady. Óndiriste qaǵazdy aǵartýdyń hlor quramynsyz ekologııalyq tehnologııasy - ECF (Elementary Chlorine Free) markerleýimen qoldanylatyn bolady.

«Qifeng New Material» ókilderi sheteldik kompanııalarǵa usynylatyn ınvestıtsııalyq preferentsııalarmen tanysty. «Kazakh Invest» kompanııasynyń ókilderimen birlestikte jobany iske asyratyn oryn tańdaý úshin birqatar óńirlerge barý jóninde kelisimge qol jetkizildi.

«Qifeng New Material» sándik qaǵaz jáne toqyma emes tusqaǵaz jartylaı fabrıkatynyń álemdegi eń iri óndirýshisi bolyp tabylady. Ónimderi álemniń 30-dan asa eline eksporttalady. Kompanııanyń 212 ulttyq patenti jáne sheshýshi ónertabystarǵa 18 patenti bar.