Qytaılyq ınvestorlar Otyrar aýdanynda kún elektr stansasyn salady

ShYMKENT. QazAqparat - Qytaılyq kásipkerler Ońtústik Qazaqstan oblysy Otyrar aýdanynda 200 MVt-tyq energııa óndiretin kún elektr stansasynyń qurylysyn bastamaq. Bul týraly qytaılyq «Tsındao Beıhaı» kompanııasynyń arnaıy ókili Mıng Ie óńir basshysy Janseıit Túımebaevpen kezdesýinde málim etti, dep habarlaıdy «QazAqparat» HAA tilshisi.

Kezdesý barysynda jergilikti bılik atalǵan jobany júzege asyrýǵa qajetti 300 gektar jer telimin bólip, barlyq ınfraqurylymdyq qajettiliktermen qamtamasyz etip beretin bolyp kelisildi. Sondaı-aq ekijaqty kelisimge sáıkes, stansany «Kúnnury» dep ataý uıǵaryldy.

«Sońǵy jyldary álemde energetıkalyq qaýipsizdik máselesi birinshi orynǵa shyqty. Osyny eskere otyryp biz ońtústik óńirinen kún elektr stansasyn salýdy jón kórip otyrmyz. Óıtkeni bul óńirde kún erekshe ystyq ári bultty kúnder óte az bolady. Jobaǵa jumsalatyn shyǵyndarymyz ótelip bolǵannan soń stansany ózderińizge qaıtaratyn bolamyz», - dedi Mıng Ie myrza.

Qonaqtardyń usynystaryna qoldaý bildirgen óńir basshysy aımaqtaǵy elektr energııasyna degen suranystyń jyl sanap artyp otyrǵanyna toqtaldy.

«Búginde Astana qalasynda ótip jatqan EKSPO-2017 kórmesiniń negizgi taqyryby - «jasyl» ekonomıka. ıAǵnı bolashaqtyń energııasyn izdeý jáne balamaly qýat kózderin tabý ári paıdalaný bolyp otyr. Osyǵan oraı sizderdiń usynystaryńyzdy tolyq qoldaımyn. Qajetti jer telimi bólinip, ınfraqurylymdyq qajettiliktermen qamtamasyz etip beretin bolamyz. Ońtústik Qazaqstan oblysynyń shamamen 300 kúni bultsyz bolady. Bul jobany júzege asyrýǵa óte tıimdi», - dedi Janseıit Qanseıituly.

Búginde oblystyń ekonomıkalyq damý qarqyny joǵary, aımaqta óndiris oryndary kóptep ashylyp, ınnovatsııalyq baǵdarlamalar júzege asyrylýda. Osynyń barlyǵy elektr energııasyna degen suranysty arttyratyny sózsiz.  Energetıkalyq qaýipsizdik eń aldymen energetıkalyq táýelsizdikke baılanysty ekenin eskersek, ońtústik óńirinde balamaly energetıka nysandaryn salý asa mańyzdy bolyp otyr.

Kezdesý qorytyndysyna sáıkes, Ońtústik Qazaqstan oblysy ákiminiń orynbasary Baýyrjan Jamalov pen qytaılyq «Tsındao Beıhaı» kompanııasy ókili Mıng Ie ınvestıtsııalyq jobany iske asyrý jóninde memorandýmǵa qol qoıdy.