Qytaılyq Hanchjoýda Naýryz meıramy atap ótildi

BEIJІŃ-HANChJOÝ. QazAqparat - Qytaıdaǵy qazaqstandyq stýdentter qaýymdastyǵy (KSAC) hanchjoýlyq bólimshesiniń belsendileri Naýryz meıramyn atap ótti, dep habarlady Qytaıdaǵy «QazAqparat» HAA menshikti tilshisi.

Shara Chjetszıan qarjy jáne ekonomıka ýnıversıtetiniń janynda demalys kúnderi ótti. Oǵan stýdentter ǵana emes, Shanhaı qalasyndaǵy QR Bas konsýldyǵy, QR BǴM Halyqaralyq baǵdarlamalar ortalyǵynyń ókilderi, sheteldik qonaqtar men Hanchjoý qalasyndaǵy ýnıversıtetterdiń rektorlary qatysty.

Stýdentterdi merekemen Shanhaı qalasyndaǵy QR Bas Konsýly Joshyhan Qyraýbaev quttyqtady.
 

Merekelik sharalar ulttyq bımen ashyldy, shashý shashyldy. Ádilhan Qarabalın, Arman Jumash, Aızada Ormanbekova, Ilshat Erboluly sekildi qazaq jastary qara dombyramen «Balbyraýyn», «Kelinshek», «Adaı» jáne «Álqıssa» kúılerin oryndady.

«Gúlder» stýdenttik bı ansambli «Qara jorǵa», «Naýryz bı», «Adaı» bılerin bıledi, stýdentter Qazaqstannyń zamanaýı eastradalyq ánderin shyrqady.
 

Qonaqtar «Qazaqsha kúres», arqan tartý, asyq atý jarystaryn tamashalady. «Naýryz arýy» baıqaýynda merekelik dastarhan jaıylyp, baýyrsaq, palaý, qurt, naýryz kóje jáne t.b. taǵamdar usynyldy.