Qytaılyq ǵarysh apparaty Aı orbıtasyn testileý jumysyn aıaqtady

ASTANA. QazAqparat - Qytaıdyń ushqyshsyz basqarylatyn ǵarysh apparaty Aı mańy orbıtasyn testileý jumysyn aıaqtady.

Apparattyń Jerdiń tabıǵı seriginiń aınalasyndaǵy synaǵy túrli jyldamdyq, bıiktik jáne orbıtanyń konfıgýratsııasyna qatysty úsh kezeńnen turdy. Testileýdiń maqsaty 2017 jyly Qytaıdyń "Chane-5" aı modýlin tabysty ushyrýǵa qajetti tehnologııalardy daıyndaý boldy.

Qytaıdyń Aıdy zertteý boıynsha baǵdarlamasy úsh kezeńge bólingen. Birinshisiniń barysynda "Chane-1" (2007 jyl) jáne "Chane-2" (2010 jyl) zondtary iske qosyldy. Nátıjesinde Jer serigi qabatynyń úsh ólshemdi kartasy jasalǵan, kelesi apparattardy qondyrý shamalanǵan aýdandar anyqtaldy. 2013 jyly ótken ekinshi kezeńde Aıdyń betine «ıÝıtý» ózdiginen júretin apparatty jetkizgen "Chane-3" iske qosylǵan. Sońǵy kezeńniń qorytyndysy Jerge aı jynystarynyń úlgilerin jetkizý bolýy kerek.