Qytaılyq ǵalymdar eń qýatty turaqty magnıt órisin qurýǵa daıyn

BEIJІŃ. QazAqparat – Hýachjýn ǵylymı-tehnıkalyq ýnıversıtetiniń ınjenerleri osy aptada Qytaıdyń Ýhan qalasynda (Hýbeı provıntsııasy, Ortalyq Qytaı) zertteý úshin aýyr magnıt jasaı bastady. Jobalanǵan qondyrǵy 110 tesla kúshimen qysqa magnıt órisin shyǵarady, dep habarlaıdy QazAqparat menshikti tilshisi SCMP-qa silteme jasap.

Habarlamada aıtylǵandaı, aýyr magnıttik qondyrǵynyń qurylysy bes jylǵa sozylady jáne 2 mıllıard ıýannan astam qarjyny talap etedi (shamamen 276 mıllıon dollar).

Basylymnyń jazýynsha, áleýetti paıdalanýshylar jobalanǵan magnıtpen eksperımentter júrgizý úshin kezekke tura bastaǵan. Olarǵa jańa asqyn ótkizgishter men jartylaı ótkizgishterdi jasap shyǵaratyn ǵalymdar, sondaı-aq 6G baılanys tehnologııasynyń kelesi býynymen aınalysatyn zertteýshiler kiredi.

Buǵan deıin habarlanǵandaı, Hefeıdegi (Anhoı provıntsııasy) Qytaı ǵylym akademııasynyń tehnıkalyq magnıti tamyz aıynda 45,22 tesla bolatyn magnıt órisin týdyrdy.

2018 jyly japondyq zertteý toby 1200 tesla kúshimen rekordtyq magnıt órisin jasaǵan, biraq tek 40 mıkrosekýnd ishinde. Eksperıment nátıjesinde magnıttik qondyrǵynyń bir bóligi jaryldy.

Foto: sun9-11.userapi.com