Qytaılyq dıplomattar HH ǵasyrdyń ortasynda Y.Altynsarınniń shyǵarmashylyǵyn zerttegen (FOTO)

SIANЬ. QazAqparat - QHR Shensı provıntsııasynda turatyn iri kásipker Chjan Fannyń úıindegi jeke kitaphanasynan qazaq halqynyń belgili aǵartýshysy Ybyraı Altynsarınniń tańdamaly shyǵarmalary bar kitap tabyldy.

Ony 1957 jyly Qazaq KSR Ǵylym akademııasynyń baspasy shyǵarǵan.

«Bul kitap maǵan muragerlik jolmen Sıan shetel tilderi ınstıtýtynda orys tilin oqyǵan ákem - Chjan Fennen qalǵan. Qarańyz, munda onyń jeke móri basylǵan. Ózim orys tilinde sóılemegendikten, osy ýaqytqa deıin bul qazaq oıshylynyń shyǵarmalar jınaǵy ekenin bilmedim», - dep túsindirdi ol QazAqparat tilshisine.

Kitap paraqtarynda qytaı jáne orys tilindegi kóptegen jazba belgiler bar - onyń alǵashqy ıesi Y.Altynsarınniń shyǵarmalaryn jete zerttegeni kórinip tur.

Áńgimelesýshiniń aıtýynsha, onyń dıplomat bolǵan ákesi Chjan Fen orys, japon jáne aǵylshyn tilderin meńgergen. Qytaıdaǵy «Mádenı tóńkeris» jyldarynda (1966-1976 jj.) «ıntellıgent» ataǵyna ıe bolǵan ol Sıan mektepteriniń birinde aǵylshyn tiliniń muǵalimi bolyp jumys istegen.

Y.Altynsarınniń shyǵarmalar jınaǵynyń qazirgi ıesiniń atasy Chjan ıAan baı kásipkerdiń balasy bolǵan. Japonııada bilim alǵan. Oqýdan oralǵan soń Qytaı kompartııasynyń qataryna kirip, jergilikti astyrtyn jumys isteýshilerge kóp kómektesken. Olardyń arasynda QHR-diń qazirgi tóraǵasy Sı Tszınpınniń ákesi - Sı Chjýnsıýn de bolǵan.