Qytaılyq ánshiler tamaǵy aýyryp qalǵan Dımashqa qoldaý kórsetti
Baıqaýdyń segizinshi kezeńi búgin efırden kórsetildi. Otandasymyz tamaǵynyń aýyrǵanyna qaramaı sátti óner kórsetip, qytaısha «Tań atty» ánimen besinshi orynǵa turaqtady.
Aıta keterligi, demalystyń azdyǵy saldarynan tumaýratyp tamaǵy aýyryp qalǵan Dımashqa joǵary deńgeıde oryndaýdy talap etetin «Tań atty» ánin oryndaý ońaıǵa soqpaǵan. Jarys jolynan shyǵyp qalmaý ushin Dımash tamaǵyna eki ret aýyrǵandy basatyn dári egip sahnaǵa shyqqan.
Dımashtyń aýyrǵanyn estigen «Tań atty» ániniń avtory, qytaıdyń tanymal ánshisi ári «Singer» baıqaýy úshinshi maýsymynyń jeńimpazy Han Hýn Dımashqa habarlasyp óz keńesterin aıtqan. Al jetinshi kezeńde qatarǵa qosylǵan qytaı estradasynyń juldyzy Lı Tszıan Dımashqa baǵaly dári shópten jasalǵan jótelge jáne tamaqtyń aýyrýyna qarsy dárini ákelip berip, qoldaý kórsetti.
Barlyq qatysýshylar Dımashtyń tez jazylyp ketýine tilektestik bildirip, qoldaý kórsetken. Dımash óz kezeginde alǵysyn aıtyp, osy qoldaýdyń arqasynda qıyndyqtardy jeńgenin jetkizdi.
Eske sala keteıik, Dımash jetinshi kezeńde «Daıdıdaý» ánimen úshinshi, segizinshi kezeńde qytaısha «Tań atty» ánimen besinshi oryn ıelenip, tórtinshi aınalymnyń qortyndysy boıynsha besinshi bolyp kelesi kezeńge ótken. Toǵyzynshy kezeńde otandasymyz aǵylshynsha «All by Myself» ánin shyrqap ekinshi orynnan kórindi.