Qytaıǵa shańdy daýyl jaqyndap qaldy

BEIJІŃ.Sınhýa –QazAqparat – Qytaıdyń Ulttyq meteorologııalyq ortalyǵy búgin eldiń birqatar óńirinde shańdy daýylǵa baılanysty «kók» deńgeıli eskertýdi jańartty, dep habarlaıdy QazAqparat «Sınhýa» agenttigine silteme jasap.

Vedomstvo boljamyna sáıkes, qum men shań Shyńjań-Uıǵyr jáne Nınsıa-Hýeı, Іshki Mońǵolııa avtonomııalyq ólkelerine, sondaı-aq Gansý, Tsınhaı, Shensı, Hebeı jáne Shansı provıntsııalarynyń keı aımaqtaryna tónip keledi.

Atap aıtqanda, Shyńjań-Uıǵyr avtonomııalyq ólkesi men Іshki Mońǵolııanyń keı jerlerinde shańdy daýyl turady dep kútilýde.

Ulttyq meteorologııalyq ortalyq atalǵan aımaq turǵyndaryna qatty jel men shańdy daýylǵa qarsy shara qabyldaýǵa keńes berdi, al kólik júrgizýshilerine jol durys kórinbeıtinine daıyn bolýdy eskertti.

Qytaıda aýa raıynyń qolaısyzdyǵyna qatysty eskertýdiń 4 tústi júıesi bar. Eń qaýipti jaǵdaıda qyzyl tús, odan keıingi kezekte qyzǵylt, sary, kók túspen belgilenedi.