Qytaıǵa astyqty konteınerlermen tasymaldaý 2,5 ese ósti - QTJ
«QTJ – Júk tasymaly» JShS bas dırektorynyń orynbasary N.Kelbuǵanovtyń tóraǵalyǵymen bıylǵy egindi jınaý qarsańynda astyq pen untaq ónimderin tasymaldaýdy uıymdastyrý máseleleri talqylandy, dep habarlaıdy QazAqparat tilshisi.
Atalǵan kompanııa baspasóz qyzmetiniń málimetinshe, 2023 jyldyń 7 aıynda «QTJ» UK» AQ 6,7 mln tonna astyq tasymaldaýdy qamtamasyz etti. Bul ótken jyldyń kórsetkishinen 30 paıyzǵa artyq. QHR-ǵa astyqty konteınerlermen tasymaldaý 2,5 ese ósti.
Qostanaı bólimshesi boıynsha «QTJ – Júk tasymaly» JShS ótken jyldyń sáıkes kezeńimen salystyrǵanda jarty jylda 3,5 ese kóp konteıner tıegen.
Kompanııa júk jóneltýshilerdiń ótinimderin tolyq kólemde oryndaý úshin barynsha kúsh salady. Astyq júkterin tasymaldaýdy úılestirý jónindegi shtab jumys istep, memlekettik qurylymdar men astyq kompanııalarynyń qatysýymen turaqty keńester ótkiziledi. 500-den astam klıent qatysatyn jedel shtabtyń jáne júk jóneltýshilermen jalpy chattyń jumysynyń arqasynda osy jyl ishinde aıyna 1 mln tonna deńgeıinde birkelki tıeýge qol jetkizildi», - delingen kompanııa aqparatynda.
Júk jóneltýshiler tasymaldardy josparlaý kezindegi is-qımyldardyń kelisilýine nazar aýdardy. Sondaı-aq bos vagondardy adresteý júıesin engizý bóliginde QTJ usynystaryn ózderiniń berilgen ótiniminiń kólemine teń mólsherde qoldady.
Óńirde tasymaldaýdy uıymdastyrý tıimdiligin arttyrý úshin QTJ Qostanaı stantsııasynyń ótkizý qabiletin jaqsartýǵa múmkindik beretin is-sharalardy iske asyrady. Qosymsha 7 stantsııalyq joldy paıdalanýǵa berý josparlanǵan.