Qytaıdyń Ýhan qalasynda tyrysqaq aýrýy tirkeldi

BEIJІŃ. QazAqparat – Qytaıdyń Hýbeı provıntsııasynyń Ýhan qalasynda tyrysqaq (holera) aýrýynyń alǵashqy jaǵdaıy rastaldy. Bul týraly «Sınhýa» agenttigi aýrýlardy baqylaý jáne aldyn alý jónindegi jergilikti shtabqa silteme jasap jarııalady, dep habarlaıdy QazAqparat tilshisi.

Tyrysqaq aýrýyna kúdikti naýqas 9 shilde kúni Ýhan ýnıversıtetiniń jataqhanasynda anyqtalǵan. Naýqasta dıareıa, qusý, dene qyzýynyń kóterilýi sııaqty belgiler bolǵan.

Tekserýden keıin aýrýdyń tyrysqaq ekeni anyqtaldy. Qazirgi ýaqytta naýqas dárigerlerdiń baqylaýynda.

Jergilikti bılik Ýhan ýnıversıtetine sanıtarııalyq-epıdemıologııalyq baqylaýdy kúsheıtýdi, osy ýnıversıtettiń stýdentteri men oqytýshylary arasynda ishek ınfektsııalarynyń aldyn alý jáne kúresý boıynsha keńinen túsindirý jumystaryn júrgizýdi tapsyrdy.

Foto: st1.uvnimg.com