Qytaıdyń tanymal adamdaryna qarjy ónimderin jarnamalaýǵa tyıym salynbaqshy

BEIJІŃ. QazAqparat – Qytaıdyń qarjy naryǵyn retteýshisi kompanııalarǵa ınternette qarjy ónimderin jarnamalaý úshin tanymal adamdardy tartýǵa tyıym salmaqshy. Bul týraly qarjy ónimderiniń onlaın marketıngisin basqarý jónindegi nusqaýlyqtyń jarııalanǵan jobasynda aıtylǵan, dep habarlaıdy QazAqparat menshikti tilshisi.

Usynylǵan erejege sáıkes, qarjy mekemelerine qarjy ónimderin jarnamalaý úshin «qytaılyq oryndaý óneriniń sheberlerin» tartýǵa tyıym salynady.
Mundaı tyıym kosmetıka, kıim-keshek jáne mobıldi telefon jarnamalaryna da salynady. Qujat jobasynda tikeleı efırler men áleýmettik medıa platformalar arqyly qarjy ónimderiniń onlaın-marketıngisine qatysatyn tulǵalardyń qarjy ınstıtýttarynyń ózinde jumys isteýi jáne tıisti kásibı (qarjylyq) biliktilikke ıe bolýy tıis ekendigi basa aıtylǵan.
2021 jyldyń qarashasynda baǵaly qaǵazdar boıynsha Qytaı retteýshisi ınternet-platformalarǵa tikeleı translıatsııalar arqyly aktsııalaryn jarnamalaýǵa tyıym salynǵan bolatyn.

Avtory Rýslan Súleımenov