Qytaıdyń soltústiginde shahtadan altyn izdegen 6 adam qaza tapty

BEIJІŃ. QazAqparat – Qytaı soltústiginiń Shans provıntsııasynda qaraýsyz qalǵan altyn shahtasyna zańsyz túsken alty adam qaza tapty. Bul týraly jergilikti polıtsııanyń málimdemesine silteme jasaǵan qytaılyq BAQ habarlaıdy, dep jazady QazAqparat.

Ótken dúısenbide Shans provıntsııasy Tszıansıan ýeziniń bıligi alty altyn izdeýshi iz-tússiz joǵalǵanyn jarııalady.

Іzdeý-qutqarý operatsııasynyń barysynda Tszıansıanjaǵy Tseıýı taýynyń mańyndaǵy úńgirdegi 2700 metr tereńdikten alty adamnyń denesi tabyldy.

Qaza bolǵandardyń barlyǵy Shansıge kórshiles jatqan Henan provıntsııasynyń (Ortalyq Qytaı) turǵyndary. Atalǵan is boıynsha tergeý amaldary bastalyp ketti.

Eske sala ketsek, 2021 jyl maýsymynda Henan provıntsııasyndaǵy Sanmensıa mańyndaǵy altyn óndiretin shahtada tórt adam qaza tapqan.

Qytaılyq BAQ-tyń jazýynsha, sońǵy jyldary Qytaıda baǵaly metall baǵasynyń ósýine baılanysty jergilikti turǵyndar qaraýsyz qalǵan shahtalardan altyn shyǵarýǵa tartylyp otyr.

Henan provıntsııasyna qarasty Sanmensıaǵa jaqyn Dahý kentiniń shahtasynan eki apta boıy altyn shyǵarý bir mıllıon ıýan (shamamen 187 myń dollar) kóleminde zańsyz tabys ákele alady.

Avtor: Rýslan Súleımenov