Qytaıdyń soltústiginde elektr stansasynda órt shyǵyp, 8 adam mert boldy

BEIJІŃ. QazAqparat – Qytaıdyń soltústik-shyǵysynda Shansı provıntsııasynda elektr stansasy aýmaǵynda órt shyǵyp, 8 adam mert boldy, taǵy beseýi jaraqat aldy. Bul týraly Qytaıdyń ortalyq telearnasy (CCTV) málim etti, dep habarlaıdy QazAqparat.

CCTV málimetinshe, órt jergilikti ýaqytpen 6 jeltoqsan túngi saǵat 01:36-da Shansı provıntsııasy (Soltústik-shyǵys Qytaı) Shoýıan ýezinde elektr stansasy aýmaǵyndaǵy adam turatyn jerden shyqqan. Órt jergilikti ýaqytpen saǵat 04:20-da aýyzdyqtaldy.

Saldarynan segiz adam qaza taýyp, beseýi jaraqat aldy. Jaraqat alǵandar aýrýhanaǵa jetkizildi, olardyń jaǵdaıy birqalypty.

Qazir órttiń qaıdan, qalaı shyqqany anyqtalyp jatyr.

Avtory Rýslan Súleımenov