Qytaıdyń SІM basshysy Ortalyq Azııaǵa sapar jasamaq

BEIJІŃ. QazAqparat – QHR SІM basshysy Van I 12-16 shilde aralyǵynda Túrikmenstan, Tájikstan jáne Ózbekstan elderine resmı sapar jasamaq. Bul týraly Qytaıdyń syrtqy saıasat vedomstvosynyń málimdemesinde aıtyldy, dep habarlady QazAqparattyń menshikti tilshisi.

Túrikmenstan, Tájikstan jáne Ózbekstan elderiniń Syrtqy ister mınıstrleriniń shaqyrýymen QHR-diń SІM basshysy Van I atalǵan úsh elge 12-16 shilde aralyǵynda sapar jasaıdy.

Sapar barysynda QHR SІM basshysy Van I Shanhaı yntymaqtastyq uıymyna (ShYU) múshe elderdiń Syrtqy ister mınıstrleri keńesi men «ShYU-Aýǵanstan» baılanys tobynyń, sonymen qatar «Ortalyq jáne Ońtústik Azııa: óńirlik sabaqtastyq. Qıyndyqtar men múmkindikter» halyqaralyq konferentsııasynyń kezekti otyrysyna qatysady.

ShYU-ǵa múshe elderdiń Syrtqy ister mınıstrleri keńesiniń kezekti otyrysy Dýshanbede 13-14 shilde aralyǵynda ótedi.

«Ortalyq jáne Ońtústik Azııa: óńirlik sabaqtastyq. Qıyndyqtar men múmkindikter» halyqaralyq konferentsııasy Tashkentte 15-16 shilde aralyǵynda ótpek.

Avtory Rýslan Súleımenov