Qytaıdyń Sıan shahary men Qazaqstannyń Shymkenti baýyrlas qala atandy
«El men eldi jaqyndastyratyn mádenı-gýmanıtarlyq baılanysty nyǵaıtýǵa óńirler arasyndaǵy áriptestik, naqty aıtsaq, baýyrlas qalalar óz úlesin qosady. Keshe biz Shymkent jáne Sıan qalalarynyń arasyndaǵy, sondaı-aq, Soltústik Qazaqstan oblysy men Shensı provıntsııasynyń arasynda baýyrlastyq baılanysty resmı ornattyq», - dedi Prezıdent.
Memleket basshysy ǵylymı baǵyttaǵy baılanystarǵa da toqtaldy.
«Sıan qalasynda Qazaqstannyń Bas konsýldyǵy ashylady. Sonymen qatar, ǵylym men bilim salasyn damytý, jastarymyzdyń arasnydaǵy baılanysty damytý mańyzdy. Sondyqtan biz bilikti mamandardy júıeli túrde ázirleýge, adam kapıtalyn damytýǵa erekshe mán beremiz. Qazirgi kezeńde Qazaqstan óz aýmaǵynda álemdegi jetekshi tehnıkalyq ýnıversıtetterdiń fılıaldaryn ashý jolynda belsendi jumys istep jatyr», - dedi Qasym-Jomart Toqaev.