Qytaıdyń «Shýan Tsıýsıan-1» raketasynyń ushyrylymy sátsiz aıaqtaldy
03:14, 15 Mamyr 2022
NUR-SULTAN. QazAqparat – Qytaıdyń Tszıýtsıýan ǵarysh aılaǵynan ushyrylǵan «Shýan Tsıýsıan-1» (Hyperbola-1) kommertsııalyq zymyran-tasyǵyshynyń ǵaryshqa attanýy sátsiz aıaqtaldy: ushyrylymnan keıin 4 saǵattan soń Sınhýa agenttigi raketanyń jumysynda aqaý shyqqanyn málim etti, dep habarlaıdy QazAqparat tilshisi.
Bul «Shýan Tsıýsıan-1» zymyranynyń tórtinshi ret ǵaryshqa jiberilýi edi. Onyń úsheýi sátsiz aıaqtaldy. 2019 jyldyń shilde aıynda bolǵan alǵashqy ushyrylym ǵana maqsatyna jetti. Ol kezde zymyran-tasyǵysh orbıtaǵa eki ǵylymı-zertteý spýtnıgin jetkizdi.
Sınhýa málimetinshe, qazirgi ýaqytta sátsiz ushyrylymnyń sebebi anyqtalyp jatyr.
«Shýan Tsıýsıan-1» - qatty otynmen ushatyn tórt satylymy zymyran-tasyǵysh. Ony qytaılyq startap Beijing Interstellar Glory Space Technology Ltd. (iSpace) qurastyrdy. Raketanyń júk tasymaldaý qabileti Qytaıda jeke kompanııalar qurastyrǵan zymyran-tasyǵyshtar arasynda eń joǵary. Ol jaqyn ornalasqan jermańy orbıtasyna 260 kelige deıin paıdaly júk jetkize alady.