Qytaıdyń Shenıan qalasynda otbasyndaǵy úshinshi balaǵa qarjylaı kómek taǵaıyndaldy

ShENЬıAN. SINЬHÝA-QazAqparat – Lıaonın provıntsııasynyń Shenıan qalasy (soltústik-shyǵys Qytaı) otbasylardy úshinshi balany dúnıege ákelýge yntalandyrý úshin aqshalaı járdemaqy bere bastady. Bul týraly jergilikti úkimettiń bala týý saıasatyn ońtaılandyrýǵa jáne halyqtyń uzaq merzimdi ári teńgerimdi damýyna yqpal etýge baǵyttalǵan jospary jobasynda aıtylǵan, dep habarlaıdy QazAqparat Sınhýa agenttigine silteme jasap.

Shenıan qalasynda úshinshi balaly bolǵan erli-zaıyptylar sábı úsh jasqa tolǵanǵa deıin aı saıyn 500 ıýan (shamamen 72,6 dollar) járdemaqy ala alady. Tólemder 2023 jyldyń 20 qańtarynan bastap esepteledi.

Qytaıdyń kóptegen qalasynda bala týýdy qoldaý úshin birqatar saıası shara qabyldanyp jatyr, sonyń ishinde bala kútimi shyǵyndaryn azaıtý. Keıbir provıntsııalar men aımaqtarda jergilikti úkimet ekinshi nemese úshinshi balasy bar otbasylarǵa bilim berý, densaýlyq saqtaý jáne turǵyn úı máselelerinde qoldaý kórsetýdi qolǵa aldy.

Shenchjen jáne Venchjoý sııaqty qalalarda bir balaly otbasylar arasynda saýalnama júrip, bala týýdy qoldaý saıasatyn ońtaılandyrý týraly pikirler jınaldy.

Al, Hanchjoý qalasynda tirkelgen otbasylardyń barlyǵy jańa týǵan balasy úshin járdemaqy alýǵa ótinish bere alady.