Qytaıdyń Shanhaı qalasynda koronavırýspen baılanysty jaǵdaı qalypqa kele bastady

NUR-SULTAN. QazAqparat - Qytaıdyń Shanhaı qalasynda koronavırýspen baılanysty jaǵdaı maýsym aıynda qalypqa keledi. Bul týraly megapolıstiń vıtse-meri Tszýn Mın málimdedi, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııanyń Telegram kanalyna silteme jasap.

Onyń aıtýynsha, qala bıligi birtindep karantındik sharalardy alyp tastap, qalypty jaǵdaıǵa oralady. Shanhaıdyń birqatar aýdandarynda taksı men jeke kólik qyzmetine ruqsat etilgen.

22 mamyrdan bastap qoǵamdyq kólik jumysy qaıta bastalady dep kútilýde. Megapolıs bıligi jaqyn arada sýpermarketter, bazarlar, dárihanalar, shashtarazdar jáne basqa da turmystyq qyzmet kórsetý kásiporyndary ashylady dep ýáde beredi. Alaıda kınoteatrlar, sportzaldar, murajaılar sııaqty mekemeler áli jabyq kúıinde qalady.

Ońtústik Koreıada ótken táýlikte koronavırýstyń jańa túrin juqtyrýdyń 35 117 jaǵdaıy anyqtaldy, dep habarlaıdy Ońtústik Koreıa aýrýlardy baqylaý jáne aldyn alý ortalyǵy.

Ortalyqtyń habarlaýynsha, vırýs juqtyrǵan 26 adam respýblıkaǵa shetelden kelgen, qalǵan jaǵdaılar el ishinde ınfektsııanyń taralýyna baılanysty anyqtalǵan. Ortalyq aldyńǵy kúnmen salystyrǵanda aýrýdyń azdaǵan ósý tendentsııasyn atap ótedi, biraq bul demalys kúnderi koronavırýs ınfektsııasyn anyqtaý úshin júrgizilgen synaqtar sanynyń azaıýymen baılanysty. Bul rette elde COVID-19 aýrýynyń kórsetkishteri tómen kúıde qalyp otyr.