Qytaıdyń ońtústik-batysynda taý opyrylyp, 19 adam qaza tapty
08:34, 05 Maýsym 2023
BEIJІŃ. QazAqparat – Jeksenbi kúni Qytaıdyń ońtústik-batysyndaǵy Sychýan provıntsııasynyń Leshan qalasynda taý opyrylyp, saldarynan 19 adam qaza taýyp, taǵy bes adam jaraqat aldy, dep habarlaıdy QazAqparat tilshisi.
Qytaı ortalyq telearnasynyń habarlaýynsha, jeksenbi kúni tańerteń Sychýan provıntsııasynyń Leshan qalasyndaǵy memlekettik orman sharýashylyǵy kásipornynyń aýmaǵynda taý opyrylǵan.
Oqıǵa ornyna izdeý-qutqarý jumystaryn júrgizý úshin 600-den astam adam jiberildi. Іzdeý jumystary jergilikti ýaqyt boıynsha 20:00-de aıaqtaldy.
Qazir taýdyń opyrylý sebepterin anyqtaý jumystary júrgizilip jatyr.