Qytaıdyń ońtústik-batysynda «delta» shtamynyń taralýyna baılanysty lokdaýn engizildi

BEIJІŃ. QazAqparat – Qytaı-Mıanma shekarasyna jaqyn ornalasqan Jýılı qalasynyń bıligi koronavırýstyń «delta» shtamy taralýyna baılanysty lokdaýn jarııalady, dep habarlaıdy QazAqparat menshikti tilshisi.

Jýılı qalasynyń (ıÝnnan provıntsııasy, Ońtústik-Batys Qytaı) ákimshiligi osy aptada qalaǵa kirip-shyǵatyn barlyq joldy jaýyp, úıde oqshaýlaný rejımin engizdi.

Qatań karantın sharalary engizildi, kommertsııalyq kásiporyndar men memlekettik mekemeler, mektepter men tehnıkýmdar jabyldy. Sýpermarketter men dárihanalardyń jumysy toqtatyldy. Jergilikti turǵyndarǵa úıde oqshaýlanýǵa sheshim qabyldandy, azyq-túlikter úıge jetkiziletin bolady.

Jýılı qalasynda jáne onyń mańyndaǵy eldimekenderde koronavırýs juqtyrý jaǵdaılarynyń kópshiligi «syrttan ákelingen». Jýılıde Mıanmamen transshekaralyq saýda júrgiziledi. Osyǵan baılanysty bılik shekaralyq baqylaý sharalaryn kúsheıtti.

Mıanmamen shekaralas Qytaıdyń Jýılı qalasynda koronavırýstyń órshýi osymen tórtinshi ret bolyp otyr, sońǵysy osy jyldyń naýryz aıynda bolǵan edi. Úshinshi ret Jýılı qalasynda koronavırýstyń taralýyna baılanysty tolyq lokdaýn engizildi.

Juma kúni Qytaıdyń Densaýlyq saqtaý isteri jónindegi memlekettik komıtetiniń habarlaýynsha, ótken táýlikte materıktik Qytaıda koronavırýsty jergilikti juqtyrýdyń 8 jańa jaǵdaıy anyqtaldy, barlyǵy ıÝnnan provıntsııasynan.