Qytaıdyń ońtústiginde 132 jolaýshy mingen ushaq apatqa ushyrady
15:00, 21 Naýryz 2022
BEIJІŃ. QazAqparat - Qytaıdyń ońtústigindegi Gýansı-Chjýan avtonomııa aýdanynda China Eastern Airlines áýe kompanııasynyń Boeing 737 jolaýshylar ushaǵy apatqa ushyrady, dep habarlaıdy QazAqparat.
Bul týraly dúısenbide Qytaıdyń ortalyq telearnasy Weibo-daǵy akkaýntynda SCAR tótenshe jaǵdaılar departamentine silteme jasap málim etti.
Qaıǵyly oqıǵa Qytaıdyń Gýansı-Chjýan avtonomııalyq aýdanyndaǵy bıik taýly aımaqtarda boldy.
Ushaq bortynda 132 adam – 123 jolaýshy jáne 9 ekıpaj múshesi bolǵan.
Qaıtys bolǵandar týraly málimet joq. Oqıǵa ornynda órt shyqqan.
Apat bolǵan jerge qutqarý qyzmeti jóneltildi.
Ushaq qulaǵan jer taýly aımaq bolǵandyqtan qutqarýshylardyń apat ornyna jetýi qıyndaǵan.