Qytaıdyń megapolısindegi COVID-19 taralýyn Olımpıadaǵa deıin oqshaýlaý josparlanyp otyr

BEIJІŃ. QazAqparat - Dúısenbide Sıan qalasynda (Qytaıdyń soltústik-batysy, Shensı provıntsııasy) halyqty koronavırýsqa jappaı testileýdiń kezekti kezeńi bastalady. Bul týraly qalalyq indettiń aldyn alý jáne oǵan qarsy kúres jónindegi shtabtyń habarlamasynda aıtylǵan, dep habarlaıdy QazAqparat tilshisi.

«Sıan qalasyndaǵy indettiń aldyn-alý sharalary áli de kúsheıtilgen kúıinde qala beredi. 27 jeltoqsannan bastap koronavırýsty tekserýdiń jańa kezeńi bastalady jáne qalada epıdemııaǵa qarsy sharalar kúsheıtiledi», – delingen shtabtyń habarlamasynda.

Jergilikti bılik Sıannyń barlyq turǵyndarynyń úıde bolýyn talap etedi. Tek COVID-19 synaqtarynan ótýge baılanysty ǵana úıden shyǵýǵa bolady.

21 jeltoqsannan bastap Sıan jalpy qalalyq koronavırýsqa testileýdiń úsh kezeńin ótkizdi.

26 jeltoqsandaǵy jaǵdaı boıynsha Qytaıda koronavırýs ınfektsııasynyń 200 jańa jaǵdaıy tirkeldi.

Qytaı aımaqtarynyń ishinde eń kúrdeli epıdemııalyq jaǵdaı soltústik-batystaǵy Shensı provıntsııasynda baıqalady. Onda sońǵy 24 saǵatta 152 jaǵdaı anyqtaldy, onyń ishinde 150-i Sıan qalasynda tirkelgen.

9 jeltoqsannan beri Sıan qalasynda koronavırýs juqtyrǵandar sany 600-den asty.

Avtory Rýslan Súleımenov