Qytaıdyń iri aqparat quraldary birikti

BEIJІŃ. QazAqparat - Qytaı iri ulttyq habar taratý korporatsııalaryn Ortalyq teleradıokorporatsııaǵa biriktirmek. Korporatsııa shetelderde «Qytaı daýysy» degen ataýmen habar taratatyn bolady, dep habarlaıdy «QazAqparat» HAA-niń Qytaıdaǵy menshikti tilshisi.

21 naýryz kúni jarııalanǵan «Partııalyq jáne memlekettik qurylymdardyń reformalaryn tereńdetý jospary» boıynsha Qytaıdyń ortalyq telvızııasy (CCTV), Ortalyq halyq radıosy (CNR), Qytaıdyń halyqaralyq radıosy (CRI) taratylady. Al olardyń bazasynda Ortalyq teleradıohabar taratý korporatsııasy qurylady.

Habar taratý barysynda ishki aýdıtorııaǵa burynǵy ataýlary, al syrtqysyna «Qytaı daýysy» ataýy paıdalanylady.

Jańa BAQ QHR-dyń Memlekettik Keńesine jáne Qytaı kommýnıstik partııasynyń Ortalyq komıtetiniń Nasıhat bólimine baǵynatyn bolady. Jańa medıaholdıngtiń basty mindetteri Qytaı kommýnıstik partııasy men onyń ıdeologııasyn nasıhattaý, aqparattyq qoldaý jumystaryn úılestirý, radıo jáne teleónimderdi óndirý, qoǵamdyq pikir qalyptastyrý, jahandyq deńgeıde básekege qabilettilikti arttyrý bolady.