Qytaıdyń ǵarysh apparaty Aıdyń betine sátti qondy

BEIJІŃ. QazAqparat – Qytaıdyń «Chane-5» zondy seısenbi kúni Aıdyń betine sátti qondy, dep habarlaıdy QazAqparattyń menshiktiń tilshisi Qytaıdyń Ulttyq ǵarysh basqarmasyna silteme jasap.

«Apparat sátti qonǵannan keıin, Aıdyń betinde júrgiziletin jumysyna kiristi. Ol eki táýlikke sozylady», - delingen habarlamada.

Eske sala ketsek, mıssııa barysynda zond Aı topyraǵynyń úlgilerin jınap, Jerge jetkizýi tıis. «Chane-5» Jerge 2 keli topyraq úlgisin ákeledi dep josparlanyp otyr. Jalpy zondtyń ushý ýaqyty 20 kúnnen asady. Salmaǵy 8,2 tonna «Chane-5» zondy orbıtalyq, qonýshy, qaıtýshy jáne ushý modýlderinen turady.

Aıta keterligi, Aıdy zertteýge arnalǵan Qytaı baǵdarlamasy 2004 jyly iske qosyldy. Ol úsh kezeńnen turady: Aıdy aınalyp ushý, onyń betine qoný jáne Jerge aıdaǵy topyraq úlgisin jetkizý.

Eske sala ketsek, «Chanchjen-5» zymyrany 24 qarashada Ońtústik Qytaıdaǵy Haınan araly provıntsııasyndaǵy Venchan áýe aılaǵynan «Chane-5» zondyn alyp ushqan edi.

Avtory Rýslan Súleımenov