Qytaıdyń ekonomıkalyq kórsetkishteri munaı baǵasyna yqpal etip jatyr

KANBERRA. QazAqparat - Seısenbi kúni Qytaı jarty ǵasyrda eń tómen ekonomıkalyq ósim kórsetkennen keıin munaı baǵasy turaqsyz boldy, dep habarlaıdy QazAqparat menshikti tilshisi Reuters-ke silteme jasap.

Agenttik málimetinshe, Brent markaly munaı fıýchersteri 16 tsentke nemese 0,2%-ǵa qymbattap, $84,62 jetken.

Amerıkalyq WTI markaly munaı fıýchersteri 60 tsentke nemese 0,8%-ke arzandap, $79,26 quraǵan.

Dúısenbi kúni AQSh-ta Martın Lıýter Kıng kúnine oraı baǵa rettelmegen.

«Brent markaly munaı sońǵy 10 kúnde 10%-ǵa qymbattady, sebebi Qytaıda saýda qalpyna kelip jatqany optımıstik kóńil-kúı týdyrǵan. Degenmen, álemdik ekonomıkanyń basqa perspektıvalary belgisiz», - dedi ANZ aýstralııalyq qarjy sarapshysy.

Basylymnyń habarlaýynsha, Qytaıdyń JІÓ 2022 jyly 3%-ǵa ósip, resmı maqsatty kórsetkishke shamamen 5,5% jetpegen, bul 1976 jyldan bergi ekinshi eń nashar kórsetkish.

Jyldyń sońǵy toqsanynda el COVID-ke baılanysty qatań shekteýlerden qatty zardap shekti, bul jyljymaıtyn múlik naryǵynda aıtarlyqtaı quldyraýǵa ákelip soqty.

Degenmen, 2022 jyldyń aıaǵynda COVID-ke qatysty el saıasatynyń ózgerýi bıyl elde janarmaıǵa degen suranystyń qalpyna kelýine múmkindik týdyrady.

Foto: REUTERS/Tatiana Meel