Qytaıdyń «Chane-5» zondy Aıdyń topyraq úlgisin jetkizdi

BEIJІŃ. QazAqparat-Sınhýa – Qytaıdyń «Chane-5» zondynyń jerge qaıtqan modýli beısenbi, ıaǵnı 17 jeltoqsan kúni keıingi 40 jyldan keıin Aıdyń topyraq úlgisin Jerge jetkizdi, dep habarlaıdy QazAqparat tilshisi.

Ǵarysh apparaty Beıjiń ýaqyty boıynsha saǵat 01.59 kezinde Qytaıdyń soltústigindegi Іshki Mońǵolııa avtonomdy aýdanynyń aýmaǵyna qondy.

Qytaıdyń ulttyq ǵarysh basqarmasynan (CNSA) habarlaǵandaı, bul ǵarysh saparynyń aıaqtalýy – Aıdy zertteý jumysy baǵdarlamasynyń jospary sátti aıaqtalǵanyn bildiredi. Baǵdarlama úsh maqsatty kózdegen edi: Aıdy aınalyp ushý, Aıǵa qoný jáne Aıdyń topyraq úlgisin jerge jetkizý. Baǵdarlama 2004 jyly bastalǵan bolatyn.

Eske sala ketsek, «Chanchjen-5» zymyrany 24 qarashada Ońtústik Qytaıdaǵy Haınan araly provıntsııasyndaǵy Venchan áýe aılaǵynan «Chane-5» zondyn alyp ushqan edi. Orbıtalyq modýlden turatyn zondtyń ushyp qonatyn kesheni 1 jeltoqsanda Aıdaǵy Rıýmker shyńynyń Borandar muhıtynyń soltústigine qondy. 6 jeltoqsanda Aıdyń topyraǵyn alyp ushqan apparat Jerge oralatyn modýlmen túıisti .