Qytaıdan Qazaqstanǵa tasymaldanǵan 30 mln.teńgeniń kontrabandalyq taýary ustaldy

ASTANA. 28 qarasha. QazAqparat - Qytaı Halyq Respýblıkasynan Qazaqstan Respýblıkasyna temirjol vagony arqyly 50 keliden astam halyq tutynatyn taýarlar tasymaldandy.

«Beket» jedel-aldyn-alý is-sharalarynyń barysynda «Dostyq» kedeniniń qyzmetkerleri kontrabandalyq taýarlardyń elge ótýine jol bermedi, dep habarlaıdy QR QM KBK baspasóz qyzmetinen.

Kidirtilgen taýarlardyń quny 29,7 mln.teńgeni qurady.

Atalǵan fakti boıynsha Qazaqstan Respýblıkasy Qylmystyq kodeksiniń 209-baby, 2-bóligi boıynsha qylmystyq is qozǵaldy.

Qazaqstan kedeni senim qaǵıdasyna jáne parasatty treıderler úshin kedendik rásimderdi jeńildetýge, sondaı-aq «jasyryn» kontrabandashylarǵa qatysty kedendik baqylaýdyń kúsheıtilgen sharalaryna súıene otyryp «Beket» operatsııasyn ótkizýde.