Qytaıdaǵy qysqy olımpıada oıyndarynda 9 sportshydan úmit kútemiz – Elsııar Qanaǵatov

NUR-SULTAN. QazAqparat – Ulttyq Olımpıada komıteti bas assambleıasynyń otyrysynda sport dırektsııasynyń dırektory Elsııar Qanaǵatov Qytaıdy Beıjiń qalasyn ótetin 2022 jylǵy HHІV qysqy olımpıada oıyndaryna daıyndyq týraly málimet berdi, dep habarlaıdy QazAqparat tilshisi.

«Atalmysh oıyndarǵa 128-aq kún qaldy. Adyn ala málimet boıynsha 4 myńnan astam sportshy 95 elden qatysady dep josparlanǵan. Jarys Qytaıdyń 3 qalasynda ótedi. Álemde oryn alǵan kúrdeli epıdemıologııalyq jaǵdaıǵa baılanysty Ulttyq olımpıada komıteti men Mádenıet jáne sport mınıstrligi ózara birlesip, el úkimetiniń qoldaýymen sportshylardy shetelde jáne elimizde tolyqqandy oqý-jattyǵý jumystaryn uıymdastyrý jaqsy deńgeıde qamtamasyz etildi», - dedi komıtet ókili.

Onyń dereginshe, jyl basynan beri osy olımpıadaǵa qatysýy múmkin sportshylarymyz 105 oqý jattyǵý jıynyn ótkizgen eken.

Onyń ishinde 69-y shetelde uıymdastyrylǵan.

Basa aıtyp óterligi, frıstaıl mogýldan ótken álem chempıonatynda Galysheva kúmis, Kalmakov pen Gorodko qola medal aldy.

«Olımpıada oıyndaryna joldama alýy múmkin 70-ten astam jetekshi sportshy belgilendi. Olımpıadada úzdik ondyqqa kirýi múmkin 9 sportshy aıqyndaldy. Olarmen kelisimshart jasaldy. Arasynda bir olımpıada júldegeri, 2 álem chemıponatynyń júldegeri bar, 2017 jylǵy Azııa oıyndarynyń chempıondary men júldegerleri bar», - dedi Elsııar Qanaǵatov.