Qytaıdaǵy qýańshylyq egin sharýashylyǵyna qaýip tóndirip tur

BEIJІŃ. QazAqparat – Qatty qurǵaqshylyq pen ylǵaldyń tapshylyǵy Qytaıdyń ońtústik óńirlerinde astyq óndirisine keri áserin tıgizbek, dep habarlaıdy QazAqparat menshikti tilshisi QHR Aýyl sharýashylyǵy jáne aýyldyq ister mınıstrliginiń (AShjAІM) habarlamasyna silteme jasap.

Tıisti vedomstvonyń habarlaýynsha, shilde aıynan bastap eldiń ońtústik óńirleri aptap ystyqtan zardap shegip otyr. Atalǵan aımaqta aýa temperatýrasy 40 gradýstan joǵary jáne 1961 jyldan beri jaýyn-shashynnyń eń az mólsheri jaýǵan. Bul kúzde astyq óndirýde edáýir másele týyndatýy múmkin.

Sala sarapshylarynyń pikirinshe, kúzde jınalatyn egin Qytaıdaǵy jyldyq astyq óndirisiniń shamamen 75%-yn alady.

QHR AShjAІM málimdemesine sáıkes, bıyl astyq óndirisin 650 mln tonnadan joǵary deńgeıde saqtaý qajet.

Jergilikti BAQ-tyń habarlaýynsha, Qytaıdyń alty ákimshilik-aýmaqtyq birliginde 800 myń gektardan astam aýyl sharýashylyǵy alqaby qurǵaqshylyqtan zardap shekti. Onyń ishinde Sychýan provıntsııasy men Chýntsın (Ońtústik-Batys Qytaı) ortalyq baǵynysyndaǵy qala bar.

Qytaıdyń sý resýrstary mınıstrligi osy aptada Hýbeı provıntsııasynda (Ortalyq Qytaı) ornalasqan eldegi eń úlken «Úsh shatqal» sý qoımasynan ıAntszy ózeniniń orta jáne tómengi aǵysyndaǵy sý qoryn toltyrý úshin 500 mln tekshe metr sý shyǵarǵanyn jarııalady. Ózen deńgeıi aptap ystyq pen qurǵaqshylyqtyń saldarynan tómendep ketken.

Foto: paralelo32.com.ar