Qytaıdaǵy koronavırýsqa qatysty jaǵdaı álemdik munaı baǵasyna áser etti

ASTANA. QazAqparat – Juma kúni Brent markaly munaı halyqaralyq bırjalarda barreline 87,08 dollarǵa baǵalandy, dep habarlaıdy QazAqparat Anadoly agenttigine silteme jasap.

Beısenbi kúngi sońǵy saýda-sattyqta bul markadaǵy munaı barreliniń quny 89,37 dollarǵa jetkenimen, keshegi kúndi 86,88 dollarmen aıaqtady. 2 jeltoqsan kúngi saǵat 12:55-tegi jaǵdaı boıynsha munaıdyń etalondyq markasynyń baǵasy 0,23 paıyzǵa ósip, barreline 87,08 dollarǵa jetti. WTI markaly munaı fıýchersteriniń quny barreline 81,22 dollardy qurady.

Munaı baǵasynyń ishinara ósýine Qytaıdyń COVID-19-ǵa «nóldik tózimdilik» strategııasynyń álsireýi yqpal etip otyr.

Foto: aa.com.tr