Qytaıdaǵy koronavırýs juqtyrýdyń jańa oqıǵalary turǵyndar arasynda dúrbeleń týǵyzdy

BEIJІŃ. QazAqparat – Qytaıdyń Anhoı jáne Lıaonın protsıntsııalarynda COVID-19 juqtyrýdyń jańa oqıǵalary jergilikti turǵyndar arasynda dúrbeleń týǵyzyp, koronavırýsqa qarsy jappaı ekpe salǵyzýyna sebepshy boldy, dep habarlaıdy QazAqparattyń menshikti tilshisi Global Times gazetine silteme jasap.

Qytaıdyń áleýmettik jelilerinde Anhoı provıntsııasynyń Hefeı qalasyndaǵy aýrýhanalardyń birindegi ekpe saldyrtý pýnktiniń qasynda ornaǵan adam kezegin kórsetken vıdeo shyqty.

Ótken juma kúni Hefeı qalasynda COVID-19 vırýsyna qarsy 364 myńnan astam vaktsına egilgen. Bul bir kúnde salynǵan ekpeler sany boıynsha rekordtyq kórsetkish boldy. Qytaıdyń eki provıntsııasyndaǵy 12-ge jýyq eldi meken ortasha qaýiptegi epıdemıologııalyq aımaqtar sanatyna aýystyryldy. Bul koronavırýs juqtyrýdyń jańa rastalǵan oqıǵalarynyń anyqtalýyna baılanysty bolǵan. Juma kúngi málimet boıynsha, Anhoı jáne Lıaonın provıntsııalarynda koronavırýsqa shaldyǵýdyń jeti oqıǵasy tirkeldi.