Qytaıdaǵy konkıden el chempıonatynda qandasymyz Qanaǵat Muhametuly top jardy
Sharanyń birinshi kúni erler arasynda 500, 5000 metrge kópsaıys, áıelder arasynda 500, 3000 metrge júgirý, erler men áıelder arasynda qysqa qashyqtyqqa júgirýden jalpy sany 6 sport túri boıynsha jarys ótken.
Odan keıin erler arasyndaǵy 5000 metrge kópsaıys jarysynda Shyńjań quramasynyń sportshysy Qanaǵat Muhametuly 6 mınýt 28 sekýndqa syrǵanap, chempıon atandy. Ol ózinen keıingi oryndy ıelengen sportshydan 2,367 sekýnd alǵa ozǵan. Bul Shyńjań konkımen júgirý komandasy úshin osy týrnırdegi alǵashqy altyn medal boldy.
Aıta keteıik, Qytaı chempıonaty 4 kúnge sozylyp, el boıynsha 22 provıntsııadan (avtonomııalyq oblystar men mýnıtsıpalıtetterden) barlyǵy 166 sportshy, 20 komanda qatysyp jatyr. Áıelder kópsaıysy – 500, 1500, 3000, 5000 metr jáne erler arasynda – 500, 1500, 5000, 10 000 metr. Sondaı-aq erler komandasy barlyǵy 22 jarys túri boıynsha saıysady.
«Bul jarys – 2016 jyly ótkizilgen 13-shi Ulttyq qysqy oıyndardan keıingi Shyńjańda uıymdastyrylǵan qysqy is-sharalardyń ishindegi eń joǵary deńgeıdegi jarys», - dep jazady qytaılyq People.com.
Aıta keteıik, Qanaǵat Muhametuly (konkımen júgirý) esimdi qandasymyz 1999 jyly Altaı qalasynda týǵan. 2013 jyly ol Shyńjań ólkelik sport akademııasyna qabyldanyp, short-trekten jattyǵýdy bastady. 2019 jyly konkımen júgirýden orta jáne uzaq qashyqtyqqa ulttyq qurama sanatyna enip, álem chempıonatynda alǵash ret óz eliniń atynan shyǵyp, erler arasyndaǵy komandalyq jarysta 8-oryndy jeńip aldy. 2021 jyldyń qyrkúıek aıynan qazan aıyna deıin Shyńjańda ótken eki álem chempıonatynda 4 ret birinshi orynǵa qol jetkizip, ulttyq rekordty jańartty.