Qytaıdaǵy qazaq boksshysy Naýryz meıramyna oraı beıne-quttyqtaý joldady
«Assalaýmaǵaleıkým, barsha qazaq jurty! Ulystyń uly kúni Naýryz merekesi qutty bolsyn. Barsha qazaq shańyraǵyna baqytty da, baıandy ómir súrýge násip etsin! Qazaq eli, qazaq sporty úlken belesterdi baǵyndyryp, jeńisterden jeńiske jete bersin! Astana qalasynda bolatyn EKSPO kórmesiniń sátti ótýine shyn júrekten tilektespin!», - dedi ol óz tileginde.
Aıta keteıik, qytaılyq jankúıerler Golovkınniń izbasary dep , «OneG» atap ketken Beısenbi kásibı rıngte jalpy 12 kezdesý ótkizip, 11 aıqasta jeńiske jetken (5 nokaýt) jáne bireýinde teń túsken. Qandasymyz 2015 jyly 7 kezdesý, 2016 jyly 5 kezdesý ótkizip, WBC nusqasy boıynsha bokstan jastar arasyndaǵy álem chempıony (WBC World Youth Champion) jáne WBA boıynsha Qytaı chempıony atanǵan bolatyn.
«Alla qalasa kelesi qarsylasym - japondyq boksshy Taısho Ozava. Bul jekpe-jekte men WBA nusqasy boıynsha Azııa chempıony ataǵy úshin talaspaqpyn»,- deıdi qandasymyz.
Taısho Ozava kásipqoı rıngte 32 kezdesý ótkizgen, onyń 21-inde jeńiske jetip, 13-in merziminen buryn aıaqtaǵan. Sondaı-aq, 9 ret jeńilis taýyp, ekeýinde teń túsken.