Qytaıdaǵy karantın munaı baǵasyn arzandatyp jiberdi

BEIJІŃ. QazAqparat – Qytaıda dúısenbiden bastap munaı baǵasy tómendeı bastady, dep habarlaıdy QazAqparat investing.com-ǵa silteme jasap.

Bul elde COVID-19 koronavırýsynan bolǵan karantın saldarynan munaıǵa degen suranystyń azaıýymen baılanysty bolyp otyr. Oǵan qosa, Halyqaralyq energetıkalyq agenttikke (HEA) múshe elder men AQSh naryqqa mıllıondaǵan barrel munaı shyǵarýdy josparlaýda.

Nıý-Iork saýda bırjasynda Brent markaly munaı fıýchersteri 4,04 %-ǵa arzandap, barreline 94,29 dollardy, al London kontınentaralyq bırjasynda (NYSE:ICE) Brent 4,2 %-ǵa arzandap, barreline 98,49 dollardy qurady.

Qytaıdaǵy karantın álemde ekonomıka jaǵynan ekinshi orynda turǵan eldiń týrıstik belsendiligine keri áserin tıgizip, ondaǵy áýe otyny men munaıǵa suranystyń azaıýyna qaýip tóndirdi. Osylaısha, Shanhaı megapolısinde áýe qatynasy ádettegi deńgeıden 10 %-ǵa deıin tómendegen. El boıynsha alys saparlarǵa ushatyn kóptegen reıster toqtatyldy.

FGE konsaltıngtik fırmasy kólik suranysynyń jalpy alǵanda kúnine 1,2 mln-nan 1,3 mln barrelge deıingi aralyqta tómendeýin boljaýda, bul rette áýe otynyna degen suranys osy kórsetkishtiń jartysyn qurap otyr.

Alaıda, keıinirek Shanhaı bıligi dúısenbide keıbir aýdandarda karantın sharalaryn jeńildete bastaıtynyn málimdedi. Bul jańalyq Qytaı qarjy ortalyǵynyń jeksenbi kúni elde 25 myńnan astam jańa COVID-19 oqıǵasy tirkelgenin habarlaǵannan keıin de shyqqan.