Qytaıdaǵy qandastar Djekı Chanǵa tulpar mingizdi

ASTANA. QazAqparat – Qytaıdyń Shynjań-Uıǵyr avtonomııa ólkesi Іle Qazaq avtonomııaly oblysynyń Mońǵolkúre aýdanyn mekendeıtin qandastarymyz Oskar syılyǵynyń ıegeri, álemge tanymal qytaılyq akter Djekı Chanǵa shapan jaýyp, tulpar mingizdi, dep habarlaıdy QazAqparat tilshisi.

Weibo áleýmettik jelisinde taraǵan vıdeolardan tanymal akterdiń Shyńjańǵa sapary kezinde jergilikti turǵyndardyń ystyq yqylasyna bólengenin, sondaı-aq qazaqy salt-dástúr boıynsha qurmetti qonaq retinde tulpar syıǵa alǵanyn kórýge bolady.

Kadrlarda basyna qazaqy taqııa kıip, qolyna qamshy ustaǵan Djekı Chan óz rahmetin aıtyp jatty jáne elmen birge án saldy.

Aıta keteıik, Djekı Chan Shyńjańǵa osy jolǵy saparynda 2005 jyly jaryq kórgen «Mıf» kınosynyń jalǵasyn túsirgen.