Qytaıdaǵy Tsındaoda ótetin ShYU sammıtine 20 myń erikti kómektesedi

ASTANA. QazAqparat - Aldaǵy maýsymda Qytaıdyń shyǵysyndaǵy Tsındao qalasynda bolatyn Shanhaı yntymaqtastyq uıymyna (ShYU)  múshe memleketter basshylary keńesiniń otyrysyna 20 myńǵa jýyq erikti kómektesedi. Olar búgin, 13 mamyrda jumysqa kiristi, dep habarlaıdy Sınhýa agenttigi.

Sammıttiń eriktiler korpýsy túrli mamandyq ıelerinen turady. Bular partııalyq-úkimettik organdar jáne qalalyq turǵyndar komıtetteri, sondaı-aq qalalyq kólik, qaýipsizdik kúzeti, densaýyq, týrızm, saýda jáne baılanys qyzmetkerleri.

Olar ózderiniń jumys oryndarynda -  turǵyn úı oramdarynda, kóshelerde, áýejaılarda, vokzaldarda jáne ózge de nysandarda sammıt kezinde qaladaǵy tirshiliktiń yrǵaqty bolýyn qamtamasyz etedi»,- dep málim etti Tsındao qalalyq rýhanı mádenıetti damytý komıtetiniń basshysy Sıýı Tszıanmın.

Onyń aıtýynsha, barlyq eriktiler aıǵa sozylǵan oqýdan ótken.

Belgili bolǵandaı, Tsındaoda tirkelgen eriktiler sany 1,45 mıllıon adamǵa jetken. Bul shamamen qala turǵyndarynyń 15 paıyzy.