Qytaıdaǵy baı adamdar sany aıtarlyqtaı azaıdy

BEIJІŃ. QazAqparat –Kem degende 5 mıllıard ıýan (690 mıllıon dollar) baılyǵy bar Qytaıdyń eń dáýletti adamdarynyń sany rekordty qarqynmen azaıdy. Al Alibaba kompanııasynyń negizin qalaýshy Djek Ma reıtıngide toǵyzynshy orynda tur. Bul týraly Hurun ınstıtýty (Hýjýn) jarııalaǵan Hurun China Rich List baıandamasynda aıtylǵan, dep habarlaıdy QazAqparat menshikti tilshisi.

Bıyl tizimge 1305 adam kirdi, bul ótken jylmen salystyrǵanda 11% az jáne olardyń jalpy baılyǵy 3,5 trln dollardy qurady (bul 2021 jylmen salystyrǵanda 18% tómen).
Eń baı qytaılyqtar tizimindegi birinshi oryndy bótelke sý kompanııasynyń negizin qalaýshy Chjýn Shanshan alǵan. Onyń baılyǵy bir jylda 17% ósip, 65 mlrd dollardy qurady.
Ekinshi orynda ByteDance kompanııasynyń negizin qalaýshy Chjan Imın tur, onyń baılyǵy – 35 mlrd dollar.
Úshtikti CATL otyn elementteri men lıtıı-ıondy akkýmýlıatorlar óndirýshisi Tszen ıÝıkýn tuıyqtady, dáýleti – 32,9 mıllıard dollar.
Alibaba negizin qalaýshy Djek Ma reıtıngide tek toǵyzynshy orynǵa ıe boldy. Onyń baılyǵy shamamen 30% - 25,7 mıllıard dollarǵa deıin azaıdy.
Eń baı adamdar turatyn qalalardyń alǵashqy úshtigine Beıjiń, Shenchjen jáne Shanhaı endi, odan keıin Gonkong pen Hanchjoý tur.
Qytaılyq mıllıarderlerdiń ortasha jasy – 58.
Basylym atap ótkendeı, Qytaıdaǵy eń baı adamdar tiziminiń qysqarýyna álemdegi pandemııa men geosaıası shıelenis jaǵdaıynda álemdik ekonomıkanyń baıaýlaýy áser etken.

Foto: english.www.gov.cn