Qytaıda zaýytta órt bolyp, 36 adam kóz jumdy

BEIJІŃ. QazAqparat – Henan provıntsııasynyń (Ortalyq Qytaı) Anıan qalasyndaǵy zaýytta bolǵan órtten 36 adam kóz jumdy, dep habarlaıdy QazAqparat The paper basylymyna silteme jasap.

Anıan qalasyndaǵy kásiporynda órt 21 qarashada jergilikti ýaqyt boıynsha 16:22-de bolǵan. 3,5 saǵattan keıin ǵana órt sóndirýshiler órtti baqylaýǵa ala aldy. Saǵat 23:00-de órt tolyǵymen sóndirildi.
Aldyn ala málimetter boıynsha, jergilikti ýaqyt boıynsha seısenbi kúni saǵat 06:10-daǵy jaǵdaı boıynsha órt saldarynan 36 adam qaza tapty, ekeýi habar-osharsyz ketken, taǵy eki adam jeńil jaraqat aldy.
Oqıǵanyń sebebin anyqtaý úshin órt bolǵan jerde tergeý amaldary júrip jatyr.

Foto: pix.avax.news

Tegter

{