Qytaıda XIX Azııa oıyndarynyń alaýy resmı túrde jaǵyldy

BEIJІŃ-HANChJOÝ. QazAqparat – Beısenbi kúni Qytaıdyń Chjetszıan provıntsııasyndaǵy ejelgi Lıanchjý qalasynda XIX Azııa oıyndarynyń alaýy jaǵyldy, dep habarlaıdy QazAqparat menshikti tilshisi Azııa oıyndary-2022 uıymdastyrý komıtetine siltememen.

2022 jylǵy Azııa oıyndarynyń alaýy búgin Qytaıdyń shyǵysynda, Chjetszıan provıntsııasyndaǵy ejelgi Lıanchjý qalasynda jaǵyldy. Bul – XIX Azııa oıyndarynyń ashylýyna 100 kún qalǵanyn bildiredi.

Oıyndar 2023 jyldyń 23 qyrkúıeginen 8 qazanynan deıin Hanchjoýda ótedi.

Eske salaıyq, XIX Azııa oıyndary 2022 jyldyń 10-25 qyrkúıegi aralyǵynda ótýi tıis bolatyn. Keıin 2023 jyldyń kúzine aýystyryldy.

Azııa oıyndary Qytaıda úshinshi ret uıymdastyrylmaq. 1990 jyly jarys Beıjińde, 2010 jyly Gýanchjoýda ótti.

Azııa oıyndary-2022 uıymdastyrý komıtetiniń málimetinshe, Hanchjoýdaǵy oıyndardyń sporttyq baǵdarlamasynda 40 sport túri, 61 dıstsıplına jáne 483 is-shara engen. Kıbersport pen breık-dens jarystary Azııa oıyndarynda alǵash ret ótkeli jatyr. Qurlyqtyq dodaǵa Azııa elderinen 12 myń adam qatysady, sonyń ishinde Qazaqstan sportshylary da bar.