Qytaıda XIX Azııa oıyndarynyń alaý estafetasy bastaldy

BEIJІŃ. QazAqparat – Qytaıdyń Hanchjoý qalasynda ótetin XIX Azııa oıyndarynyń ashylýyna eki aptadan sál astam ýaqyt qaldy. Búgin Azıada alaýy estafetasy bastaldy, dep habarlaıdy QazAqparat menshikti tilshisi.

Saltanatty rásim Chjetszıan provıntsııasy Hanchjoý qalasyndaǵy Sıhý kóli mańynan bastaldy. Alaýdy birinshi bolyp júzýshi, olımpıada chempıony Lo Sıýetszıýan alyp júgirdi.

Jazǵy Azıada alaýy 8-20 qyrkúıek aralyǵynda Chjetszıan provıntsııasynyń 11 qalasyn aralap shyǵady.

XIX jazǵy Azııa oıyndary 23 qyrkúıek - 8 qazan aralyǵynda ótedi. Ashylý jáne jabylý saltanaty Hanchjoý qalasynda bolady.

XIX Azııa oıyndary áýelde 2022 jyldyń 10-25 qyrkúıegi aralyǵyna josparlanǵanyn eske sala keteıik. Biraq 2023 jyldyń kúzine aýystyryldy. Azııa oıyndary Qytaıda úshinshi ret ótpek. 1990 jyly jarys Beıjińde, 2010 jyly Gýanchjoýda ótti. Azııa oıyndary uıymdastyrý komıtetiniń aqparaty boıynsha, Hanchjoýdaǵy XIX Azııa oıyndarynyń sporttyq baǵdarlamasyna sporttyń 40 túri, 61 sporttyq pán men 483 is-shara kiredi. Sondaı-aq kıbersport pen breık-dans boıynsha jarystar Azııa oıyndarynda alǵash ret uıymdastyrylmaq. Hanchjoýdaǵy Oıyndarǵa Azııa elderiniń 12 myńnan astam sportshysy qatysady, onyń ishinde Qazaqstan da bar.

Hanchjoýdaǵy Azııa oıyndarynda Nadejda Dýbovıtskaıa men Aslanbek Shymbergenov Qazaqstan quramasynyń týyn kóterip shyǵady.

XIX Azııa oıyndarynyń alaýy Qytaıda resmı túrde maýsym aıynda jaǵylǵan bolatyn.