Qytaıda ushaq apatynan qaza tapqandardy eske aldy
18:19, 27 Naýryz 2022
NANЬNIN.Sınhýa-QazAqparat – Jeksenbi kúni Qytaıdyń ońtústiginde China Eastern Airlines áýe kompanııasy qulaǵan jerde apat qurbandaryn eske aldy, dep habarlaıdy QazAqparat Sınhýa agenttigine silteme jasap.
Saǵat 14:00-de sırena dybysynan keıin apat ornynda jumys istegen qyzmetkerler men qutqarýshylar qaza tapqandardy úsh mınýt únsizdikpen eske aldy.
China Eastern Airlines áýe kompanııasynyń Kýnmın qalasynan Gýanchjoýǵa ushatyn Boeing 737 ushaǵy 21 naýryz kúni túski saǵat 14:38 shamasynda Qytaıdyń ońtústigindegi Gýansı-Chjýan avtonomııalyq aýdanyndaǵy Tensıan ýezinde apatqa ushyrady. Borttaǵy 132 adamnyń barlyǵy qaza tapty. Eki «qara jáshik» tabyldy.