Qytaıda tórt kúnde ishki týrıstik saparlar 100 mln-nan asty

BEIJІŃ. QazAqparat – Qytaıda Eńbek kúnine oraı beskúndik mamyr merekesiniń alǵashqy tórt kúninde ishki týrıstik saparlar sany 104 mıllıon boldy, dep habarlaıdy QazAqparattyń menshikti tilshisi.

QHR Mádenıet jáne týrızm mınıstrliginiń habarlaýynsha, osy ýaqyt aralyǵynda ishki týrızmnen túsetin kiris 43,23 mlrd ıýanǵa (shamamen 6,13 mlrd AQSh dollary) jetti.

Shekteýler engizilýine baılanysty Qytaıdyń tanymal kórikti jerlerine kelýshilerdiń jalpy sany ótken jylǵy kórsetkishterden az.

Aıta ketsek, 2019 jyly mamyrdaǵy merekeniń tórt kúninde Qytaı turǵyndarynyń jasaǵan ishki týrıstik saparlarynyń sany 195 mln bolatyn. Ótken jyldyń mamyr aıynyń demalys kúnderindegi týrızmnen túsken tabys 17,48 mlrd.

Qytaıda mamyr merekesi kúnderi eń joǵary sanattaǵy 5A deńgeıdegi 8,5 myń týrıstik nysan ashyldy, bul olardyń jalpy sanynyń 70%-yn quraıdy.

«Mamyr merekesiniń alǵashqy kúninde keıbir týrıstik nysandar lyq toldy, kelýshiler tipti, maska dakıgen joq», - dedi QHR Densaýlyq saqtaý isteri jónindegi memlekettik komıssııanyń resmı ókili Mı Fen.

Osyǵan baılanysty Qytaı sheneýnigi halyq kóp jınalatyn jerlerde maska kııý jáne gıgıena erejelerin saqtaý qajettiligin taǵy da eske saldy .

Eske sala keteıik, keshe QHR-daǵy iri onlaın-týrıstik qyzmet operatory Trip.com bıylǵy jyldyń 1-5 mamyr aralyǵynda 80 mıllıonǵa jýyq adam elge saıahat jasaýǵa jınalǵanyn habarlaǵan bolatyn. Qytaıda eń tanymal, adamdar kóp barǵan baǵyttar – Beıjiń men Shanhaı.