Qytaıda tek «sheteldik» COVID-19 jaǵdaılary ǵana tirkelip jatyr

BEIJІŃ. Sınhýa-QazAqparat – Seısenbi kúni Qytaıdyń kontınentaldy bóliginde COVID-19 juqtyrýdyń shetelden juqtyryp kelgen 22 jańa jaǵdaıy tirkeldi. Bul týraly sársenbi kúni QHR Densaýlyq saqtaý jónindegi memlekettik komıteti málim etti, dep habarlaıdy QazAqparat Sınhýa agenttigine silteme jasap.

Syrttan ákelingen jańa jaǵdaılardyń ishinde 8-i Gýansı - Chjýan avtonomııalyq aýdanynda, 5-eýi ıÝnnan provıntsııasynda, 2-eýi – Shanhaı qalasynda jáne Gýandýn provıntsııasynda jáne Beıjiń men Tıantszın qalalarynda, Chjetszıan, Fýtszıan jáne Shandýn provıntsııalarynda bir-birden anyqtaldy. Onyń ishinde Chjetszıan provıntsııasyndaǵy COVID-19 dıagnozy rastalǵan patsıent koronavırýsty tasymaldaýshylardyń sımptomsyz sanatynan aýystyryldy.

Shanhaı qalasynda «sheteldik» koronavırýs juqtyrdy degen kúdikpen bir jańa naýqas anyqtaldy. Sol kúni Qytaıdyń kontınentaldy bóliginde COVID-19-dan kóz jumǵandar bolǵan joq, dep habarlady vedomstvo.