Qytaıda «Talım» taıfýnyna baılanysty 230 myń adam evakýatsııalandy

NANЬNIN. QazAqparat – Seısenbi kúni tańerteń Qytaıdyń ońtústigindegi Gýansı-Chjýan avtonomdyq aýdanynyń jaǵalaýynda «Talım» taıfýny soǵyp, jel jyldamdyǵy 140 km/saǵ deıin jetken, dep habarlaıdy QazAqparat Sınhýa aqparat agenttigine silteme jasap.

Bul – bıyl osy elde soqqan tórtinshi taıfýn.

Dúısenbi keshinde taıfýn Gýandýn provıntsııasynda ótip, 230 myńǵa jýyq adam evakýatsııalandy.

Qatty jel men jańbyr saldarynan júzdegen reıs pen poıyz toqtatyldy.

Aımaqtyq meteorologııalyq bıýrosynyń málimetinshe, taıfýn seısenbi kúni tańǵy saǵat 5:45-te Gýansı provıntsııasynyń Beıhaı qalasynda ótip, jergilikti ýaqyt boıynsha tańǵy 9-da Tsınchjoý qalasyna jetti.

Taıfýnnyń ortasyna jaqyn jeldiń maksımaldy jyldamdyǵy sekýndyna 25 metrge jetti jáne soltústik-batys baǵytta saǵatyna 15-20 km jyldamdyqpen soǵady dep boljanyp otyr.

Tsınchjoý, Fanchengan jáne Chýntszo qalalarynda nóser jaýyn jaýatyny boljanyp otyr. Aımaqtyń ońtústik jáne ortalyq bólikterinde jel ekpini sekýndyna 33 metrge jetedi.